بنام خدا
تقدیم به دوستان آذری خوبم

گولوم سنسن . باغیم سنسن . گلستانیم بهاریم سان
اگر بیر قوش اولارسام من . خزانسیز لاله زاریم سان
منه مریم . منه عیسی . منه تورات . منه قرآن
سنین عشقینده صنعانم . منیم نازلی خوماریم سان
دیلیم . آغزیم . سوزوم سنسن . گلوم . قلبیم . گوزوم سنسن
منیم جانیم . ئوزوم سنسن منیم صبر و قراریم سان
منیم دردیم . منیم چاره م . هلال ابرولی مه پاره م
کدر سندن . سوینج سندن . نشاطیم سان . غباریم سان
اوره ک هر نه دیله ر . سنسن . یگانه بیر دیلک سنسن
جوابیم سان . سئوالیم سان . مقدس بیر شعاریم سان
گوجوم . آرخام . یاخین دوستوم . یاخینیندان دا یاخین دوستوم
پولاد عزمیم . اراده م سان . توکنمز اقتداریم سان
منه بیرمی دولی جام سان . ایلاهی عالی الهام سان
ائلیم . طایفام . یئریم . یوردوم . شیرین دوغما دیاریم سان
محبت سن . صداقت سن . ملاحت سن . سعادت سن
خزینه م . ثروتیم . واریم . منم سن هر نه واریم سان
استاد شهریار.
امیدوارم براتون جالب باشه برای من که بود. با اینکه خیلی از معانیش را بلد نبودم ولی سبک خوبی بود.
تا بعد حق یارتان